Равшан Аюпов - Паскаль алгоритмик тилида дастурлаш асослари

Француз олими Блез Паскаль шарафига шундай деб номланган ПАСКАЛЬ тили Швецариянинг Цюрих шахридаги Олий техника мактабининг профессори Никлаус Вирт томонидан 70-йилларда яратилган бўлиб, хозирги пайтда жуда кўп ўқув юртларида содда ва қулай алгоритмик программалаштириш тили сифатида ишлатилади. У ўзининг оддийлиги, мантиқийлиги ва етарли даражада самаралилиги туфайли бутун дунё буйлаб кенг тарқалди. Хозирги пайтда барча хисоблаш машиналари, хусусан, шахсий, мини, универсал ва микро-ЭХМлар ҳам ушбу тилда ишлаш имкониятига эгалар. Бу алгоритмик тилда тузилган дастурлар матнининг тўғрилигини осонлик билан текшириш мумкинлиги, уларнинг маъноси ва моҳияти тушунарлилиги хамда буйруқларининг оддийлиги билан бошка турга мансуб алгоритмик тиллардан кескин ажралиб туради. Паскаль тили анча-мунча мураккаб ва кўп вакт оладиган хилма-хил хисоблаш ишларини бажаришга мулжалланган таркиблаштирилган дастурлар тузишга имкон беради.