Равшан Аюпов - Организмни тозалаш усуллари

Кўп ейиш ва нотўғри овқатланиш одатини ташламасдан, ошқозон ва ичакларни даволаб, яхшилаб тозаламасдан ҳеч бир дори-дармон ва шифобахш ўсимлик ёки гиёҳ инсон организмининг тузалиб кетишини ва соғлом бўлишини тўла таъминлай олмайди. Бугунги кунда инсоннинг ошқозони ва жигари ўзига хос ахлат қутисига, танаси эса касалликлар йиғилган сандиққа айланган дейишимиз мумкин. Шунинг учун ҳам, агар турли хил касалликлардан узоқ бўлиб, саломатлигингизни яхши сақламоқчи бўлсангиз, умр бўйи организмдаги шлаклардан ҳоли бўлиб яшаш керак – яъни, организмни тез-тез тозалаб туриш лозим. Ушбу китобчада ҳудди шу масалалар муҳокама қилинади ва бир қанча манбаъларга таянган ҳолда, унинг оммабоп ечимларини топишга харакат қилинади. Китобча тиббий қўлланма ёки кўрсатмалар мажмуи эмас, шунинг учун унда келтирилган турли хил тавсия, рецепт, дамлама, қайнатма, шифобаҳш таркиб ва муолажаларни сизни даволовчи тажрибали шифокорингиз билан атрофлича маслаҳатлашиб, келишилгандан сўнггина ишлатсангиз, мақсадга ҳам, ақлга ҳам мувофиқ иш қилган бўласиз. Чунки у сизнинг тиббий холатингизни яхши билган ҳолда керакли маслаҳат ва тавсияларни бериши мумкин.